ខេត្តឧត្តរមានជ័យ ៖នៅស្នងការដ្ឋាននគរបាលខេត្តឧត្តរមានជ័យ បានរៀបចំពិធីប្រគល់ថវិកាសមាគមមិត្តនគរបាលជាតិ ចំនួន ២៤.០០០.០០០ រៀល(ម្ភៃបួនលានរៀលគត់) ជូនដល់គ្រួសារមន្ត្រីនគរបាលទទួលមរណភាពចំនួន០៤ គ្រួសារ ។
ពិធីនេះនៅព្រឹកថ្ងៃទី២៦ ខែធ្នូ ឆ្នាំ ២០២០ស្ថិតក្រោមអធិបតីភាព លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ ដោយមានការចូលរួមពី នាយ-នាយរងការិយាល័យបុគ្គលិក នាយ-នាយរងផ្នែក និងក្រុមគ្រួសារ នៃសពមិត្តនគរបាល ។
នាឱកាសនោះផងដែរ លោកឧត្តមសេនីយ៍ទោស្នងការ បានសំណេះសំណាល និងពាំនាំនូវប្រសាសន៍ផ្តាំផ្ញើសួរសុខទុក្ខ ពីសំណាក់ថ្នាក់ដឹកនាំ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ចូលរួមជួយលើកទឹកចិត្តដល់ក្រុមគ្រួសារ និងសម្តែងនូវការសោកស្តាយចំពោះបងប្អូនមិត្តនគរបាល ដែលបានពលីក្នុងបុព្វហេតុបម្រើជាតិមាតុភូមិផងដែរ ៕ដោយ៖ពិសី