កំពង់ស្ពឺ ៖សមត្ថកិច្ចបានឲ្យដឹងថា ជនសង្ស័យម្នាក់បានធ្វេីសកម្មភាពយកដុំថ្មគប់ទៅលេីរថយន្ដគិលានសង្រ្គោះបន្ទាន់ AMBULANCE របស់មន្ទីរពេទ្យបង្អែកស្រុកគងពិសី រួចគេចខ្លួនបាត់។ហេតុការណ៍នោះនៅកាលពីថ្ងៃទី១៩ ខែឧសភា ឆ្នាំ ២០២១ ចំណុចផ្លូវជាតិលេខ ៤១ ស្ថិតក្នុងភូមិសម្តេចឪ ឃុំព្រៃញាតិ ស្រុកគងពិសី ខេត្តកំពង់ស្ពឺ។ ។សមត្ថកិច្ចបន្តថា ភ្លាមៗនោះកម្លាំងសមត្ថកិច្ចបានបន្ដស្រាវជ្រាវរហូតឃាត់ខ្លួនមុខសញ្ញាសង្ស័យម្នាក់ឈ្មោះ វ៉ិត សត់ ភេទប្រុស អាយុ ២៩ ឆ្នាំ រស់នៅភូមិ-ឃុំខាងលើ។សមត្ថកិច្ចបន្ថែមថា តាមការសាក្សីនៅកន្លែងកេីតហេតុនិងចម្លេីយសារភាព បុរសខាងលេីទទួលស្គាល់ថាខ្លួនពិតជាបានយកដុំថ្មគប់កញ្ចក់រថយន្ត គិលានសង្រ្គោះបន្ទាន់ AMBULANCE មូលហេតុមិនពិតប្រាកដ។សូមបញ្ចាក់ថា រថយន្តសង្គ្រោះបន្ទាន់កំពុងធ្វើដំណើរទៅយកសំណាកធ្វើតេស្តអ្នកសង្ស័យវិជ្ជមានកូវីដ-១៩នៅក្នុងឃុំព្រះនិព្វាន ស្រុកគងពិសី។
បន្ទាប់ពីសមត្ថកិច្ចនគរបាលស្រុកគងពពិសី សួរនាំរួច បានកសាងសំណុំរឿងបញ្ជូនទៅការិយាល័យជំនាញខេត្ដ នៅថ្ងៃទី២០ខែឧសភាឆ្នាំ២០២១ ដើម្បីចំណាត់ការនីតិវិធីបន្ដ ៕ដោយ៖វត្តី