កំពង់ឆ្នាំង៖ លោកវរសេនីយ៍ឯក ហង្ស សុជាតិ មេបញ្ជាការរងកងរាជអាវុធហត្ថខេត្ត បានដឹកនាំកម្លាំងការិយាល័យជួញដូរមនុស្ស ចំនួន០៦នាក់ ចុះទៅឃាត់ខ្លួនបុរសម្នាក់ជាជនសង្ស័យ នៅវេលាម៉ោង០៨:៣០នាទី តាមដីកាបញ្ជាអោយចូលខ្លួន លេខ ១៣៨៤ ចុះថ្ងៃទី២៥ ខែមិថុនា ឆ្នាំ២០២១ដដែល។
ដោយមានការចង្អុលបង្ហាញពីលោកឧត្តមសេនីយ៍ត្រី សាក់ សារ៉ាង មេបញ្ជាការអាវុធហត្ថខេត្តកំពង់ឆ្នាំង និងមានការសម្របសម្រួលពីឯកឧត្តម អិុត សុធា ព្រះរាជអាជ្ញាអមសាលាដំបូងខេត្ត បានចុះទៅធ្វើការឃាត់ខ្លួនជនសង្ស័យម្នាក់ ឈ្មោះ ជា សុវណ្ណ ភេទប្រុស អាយុ៥០ឆ្នាំ មុខរបរ អាជីវករ រស់នៅភូមិទួលខ្ពស់ ឃុំជៀប ស្រុកទឹកផុស ខេត្តកំពង់ឆ្នាំង ពីបទប៉ុនប៉ងរំលោភសេពសន្ថវៈ លើអនីតិជនមិនទាន់គ្រប់អាយុ ដែលប្រព្រឹត្តិនៅចំណុចផ្ទះជនសង្ស័យជាកូនឈ្នួល ស្ថិតនៅភូមិស្រែតាជៃលិច ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង។
ក្នុងការចុះឃាត់ខ្លួនកម្លាំងអាវុធហត្ថក៏បានដកហូតវត្ថុតាងមួយចំនួនរួមមាន៖ ទូរស័ព្ទដៃ ចំនួន ០៣ គ្រឿង និងរថយន្ត ០១ គ្រឿង ម៉ាក TOYOTA HILUX REVO ពណ៌ត្រេអុី ពាក់ស្លាកលេខ ខ.ភ.ម 2-1356 ។
បច្ចុប្បន្ន ជនសង្ស័យត្រូវបានកសាងសុំនុំរឿងបញ្ជូនទៅសាលាដំបូងខេត្តដើម្បីចាត់ការបន្តតាមនិតីវិធី៕ ដោយ៖កង្រី
