កំពង់ឆ្នាំង៖ហេតុការណ៍បុរសម្នាក់បានស្លាប់ជាប់នៅក្នុងរថយន្តក្នុងករណីគ្រោះថ្នាក់ចរាចរណ៍ដោយសាររថយន្តបែកបង់រេចង្កូតធ្លាក់ប្រឡាយហើយបណ្តាលឲ្យផ្ទុះហ្គាសគឺបានកើតឡើងនៅថ្ងៃអាទិត្យទី២៧ខែមិថុនាឆ្នាំ២០២១វេលាម៉ោង៨នឹង៥០នាទីយប់នៅចំណុចភូមិផ្សារឃុំផ្សារស្រុកបរិបូណ៌ខេត្តកំពង់ឆ្នាំង។
ប្រភពពីសមត្ថកិច្ចបានឲ្យដឹងថាសពជនរងគ្រោះឈ្មោះជាសុវណ្ណដេតភេទប្រុសអាយុ២៩ឆ្នាំជនជាតិខ្មែរមានទីលំនៅបច្ចុប្បន្នភូមិស្ទឹងថ្មីឃុំអញ្ចាញរូងស្រុកបរិបូណ៍ខេត្តកំពង់ឆ្នាំង។មុនពេលកើតហេតុមានរថយន្តមួយគ្រឿងម៉ាកកាម៉ារីស្វិតពណ៌សពាក់ស្លាកលេខភ្នំពេញ2B-9148 បើកបរក្នុងទិសដៅពីលិចទៅកើត។លុះបើកមកដល់ចំណុចខាងលើរថយន្តបានបែកកង់ហើយរេចង្កូតធ្លាក់ប្រឡាយហើយក៏បណ្ដាលឲ្យផ្ទុះហ្គាស់ឆេះស្លាប់អ្នកបើកបរក្នុងរថយន្ដតែម្ដង។
ក្នុងករណីខាងលើត្រូវបានរថយន្តអគ្គិភ័យរបស់អធិការដ្ឋានគរបាលស្រុកបរិបូណ៌បានចេញជួយអន្តរាគមន៍បាញ់ទឹកពន្លត់ដោយប្រើប្រាស់អស់ទឹកមួយរថយន្តទើបរលត់ទាំងស្រុង៕ដោយ៖កង្រី
