ខេត្តឧត្តរមានជ័យ៖សេចក្តីរាយការណ៍បានឲ្យដឹងថា ដោយមានការចង្អុលបង្ហញពីលោកស្នងការឧត្តមសេនីយ៍ទោ ហួត សុធី កំលាំងអធិការដ្ឋាននគរបាលស្រុកត្រពាំងប្រាសាទ បានសហការជាមួយកម្លាំងយោធាវរសេនាតូចអន្តរាគមន៍ លេខ២៦២ នៃកងពលតូចអន្តរាគមន៍ លេខ៦ នៅថ្ងៃទី០៦ខែកក្កដា ឆ្នាំ២០២១ បានធ្វើការបង្ក្រាបករណីលួចកាច់សោរកម៉ូតូចំនួន ០១គ្រឿង នៅចំណុចក្បែរទីបញ្ជាការវរៈសេនាតូចអន្តរាគមន៍២៦២ ស្ថិតក្នុងភូមិអូររំដេង ឃុំត្រពាំងប្រាសាទស្រុកត្រពាំងប្រាសាទ ដោយបានឃាត់ខ្លួនជនសង្ស័យចំនួន ០២នាក់។
ជនសង្ស័យទាំង ០២នាក់ ខាងលើ ទី១. ឈ្មោះ ឈុន ឆៃវ៉េភេទប្រុស អាយុ២៨ឆ្នាំ រស់នៅភូមិស្រែក្រសាំង ឃុំ-ស្រុកត្រពាំងប្រាសាទ ខេត្តឧត្តរមានជ័យ និងទី២. ឈ្មោះ អាង សម្បត្តិភេទប្រុស អាយុ៤០ឆ្នាំ ស្នាក់នៅភូមិត្រាំប៉ោង ឃុំព្រះប្រឡាយស្រុកត្រពាំងប្រាសាទ ខេត្តឧត្តរមានជ័យ។ ព្រមទាំងដកហូតបានវត្ថុតាងរួមមាន៖ម៉ូតូ០១គ្រឿង និងសម្ភារៈសម្រាប់កាច់សោរកម៉ូតូមួយចំនួនទៀត។
បច្ចុប្បន្ន ចៅក្រមស៊ើបសួរចេញដីការបង្គាប់ឱ្យឃុំខ្លួនបណ្ដោះអាសន្ននៅពន្ធនាគារខេត្តឧត្តរមានជ័យ៕ដោយ៖ទីសុខ
