សៀមរាប៖សេចក្តីរាយការណ៍បានឲ្យដឹងថា បុរសល្មោភកាមម្នាក់ បានធ្វើសកម្មភាពរំលោភសេពសន្ថវៈមកលើចៅស្រីជីដូនមួយ ដែលទើបតែមានវ័យ៨ឆ្នាំ៣លើក ចុងក្រោយបានសម្រេច ត្រូវបានស្រ្តីជាម្តាយជនរងគ្រោះប្តឹងសមត្ថកិច្ចឲ្យឃាត់ខ្លួនជាក់ស្តែងតែម្តង។
លោកវរសេនីយ៍ឯក ឡុង សំណាង អធិការនគរបាលស្រុកបន្ទាយស្រី បានឲ្យដឹងថា ដោយទទួលបានបណ្តឹងរបស់ម្តាយក្មេងស្រីរងគ្រោះ កម្លាំងផ្នែកព្រហ្មទណ្ឌស្រុកបន្ទាយស្រី បានចុះស្រាវជ្រាវដល់កន្លែងកើតហេតុសួរនាំសាក្សី រួចក៏បាននាំខ្លួនជនសង្ស័យយកមកសួរនាំនៅអធិការដ្ឋានស្រុកដើម្បីរៀបចំសំណុំរឿងបញ្ជូនទៅការិយាល័យជំនាញ។លោកបន្តថាស្ត្រីឈ្មោះហាប តុញ ភេទស្រីអាយុ២៦ឆ្នាំ ត្រូវជាម្តាយ ជនរងគ្រោះរស់នៅ ឃុំរំចេក ស្រុកបន្ទាយស្រី ខេត្តសៀមរាប។ចំណែកជនរងគ្រោះ ជាកូនមានឈ្មោះឡ ស.ផ ភេទស្រីអាយុ០៨ឆ្នាំ។ជនសង្ស័យមានឈ្មោះ គុយ ថាន ភេទប្រុសអាយុ៣២ឆ្នាំ នៅភូមិខាងលើត្រូវជាជីតា ជីដូនមួយជាមួយរបស់ជនរងគ្រោះ។
លោកបន្តថា ដោយមានការអនុញាតិឲ្យស្រាវជ្រាវ ពីសំណាក់លោកស្នងការ ,លោកស្រីស្នងការរង និងលោកនាយការិយាល័យ ព្រមទាំង តំណាងអយ្យការអមសាលាដំបូងខេត្ត យើងបានចុះដល់កន្លែងនឹងនាំខ្លួនជនស្ស័យយកមកសួរនាំ។យោងតាមចម្លើយសារភាពរបស់ជនសង្ស័យថា ខ្លួនពិតជាបានធ្វើសកម្មភាពរំលោភទៅលើជនរងគ្រោះចំនួន៣ដង គឺនៅថ្ងៃទីខែមិនចាំក្នុងឆ្នាំ២០១៨ ចំនួន២ដង និងក្នុងឆ្នាំ២០២១ បានចំនួន១ដងបានសម្រេច ដោយទឹកកាមបង្ហូរចេញនៅក្រៅ នៅលើផ្ទះជនសង្ស័យផ្ទាល់។
នៅរសៀលថ្ងៃទី១៤ខែកក្កដាឆ្នាំ២០២១នេះ កម្លាំងនគរបាលជំនាញនៃស្រុកបន្ទាយស្រី កំពុងកសាងសំណុំរឿងបញ្ជូនទៅការិយាល័យការពារអនិតិជន និងជួញដូរមនុស្ស នៃស្នងការដ្ឋាននគរបាលខេត្តសៀមរាប ដើម្បីចំណាត់ការបន្តតាមច្បាប់៕ដោយ៖វាយោ
