សៀមរាប៖នៅព្រឹកថ្ងៃទី១១ ខែកញ្ញា ឆ្នាំ២០២១ នេះ ក្រុមហ៊ុន រដ្ឋ សុីង អចលនទ្រព្យឯ.ក និងក្រុមការងារសប្បុរសធម៌ បាននាំយក អង្ករ ចំនួន ១០តោន ម៉ាស់ចំនួន ១០កេស អាកុល ចំនួន ១០កាន និងថវិកាចំនួន ១០លាលានរៀលទៅ ប្រគល់ជូន រដ្ឋបាលខេត្ត សៀមរាប តាមរយៈ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប ដើម្បីរួមចំណែក ជួយសម្រាលបន្ទុក និងរួមចំណែកជួយទប់ស្កាត់ការឆ្លងរីករាលដាលនៃជំងឺកូវីដ-១៩។
តាមការអោយដឹងពី លោក រដ្ឋ ស៊ីង ប្រធានក្រុមហ៊ុន រដ្ឋ សុីង អចលនទ្រព្យឯ.ក បានអោយដឹងថា គ្រឿងឧបភោគបរិភោគ ដែលនាំមកប្រគល់ជូននេះ គឺក្នុងស្មារតី ជួយគ្នាក្នុងគ្រាលំបាក និងដោយសារ បានឃើញពីការខិតខំ ប្រឹងប្រែងរបស់ រដ្ឋបាលខេត្ត ក៏ដូចជា គណៈបញ្ជាការឯកភាពខេត្តសៀមរាប ដែលមានឯកឧត្តម ទៀ សីហា ជាប្រធាន បានខិតខំប្រឹងប្រែង ដោយមិនខ្លាចការ នឿយហត់ ដើម្បីទប់ស្កាត់ ការឆ្លងរីករាលដាល និង ព្យាបាលពលរដ្ឋ ដែលឆ្លងកូវីដ-១៩ នាពេលកន្លងមក ជាពិសេស លើកិច្ចការងារទទួលបងប្អូនប្រជាពលករ ទើបមកពីប្រទេសថៃ ជាច្រើនពាន់នាក់ ដែលកំពុងស្នាក់នៅ នៅក្នុងមណ្ឌលចត្តាឡីសក័ ជាច្រើនកន្លែង ក្នុងខេត្តសៀមរាបផងដែរ “ជួយគ្នាក្នុងគ្រាក្រ ស្គាល់ថ្នាក់ដឹកនាំល្អ ក្នុងគ្រាលំបាក “៕(ប្រភពពី៖លោកវរសេនីយ៍ឯក លឹម សម្បត្តិ អធិការនគរបាលស្រុកប្រាសាទបាគង)
