ខេត្តកំពង់ស្ពឺ៖សមត្ថកិច្ចបានឲ្យដឹងថា ទណ្ឌិតម្នាក់ដែលព័ន្ធបទល្មើសជួញដូរ និងប្រើប្រាស់គ្រឿងញៀនជាច្រើនករណី ដែលបានរត់គេចចេញពីពន្ធនាគារខេត្តកំពង់ស្ពឺ កាលពីអំឡុងឆ្នាំ២០១៧នោះ ត្រូវបានកម្លាំងនគរបាល អធិការដ្ឋានននគរបាលស្រុកគងពិសី បានឃាត់ខ្លួនបញ្ជូនទៅពន្ធនាគារម្ដងទៀតហើយ។
សមត្ថកិច្ចបានឲ្យដឹងថា ទណ្ឌិតឈ្មោះ ឡុង ប៊ុនណាត ហៅ ហៀប ភេទប្រុស អាយុ ៣៤ឆ្នាំ មានទីលំនៅភូមិក្រាំងឃ្នង ឃុំស្រង់ ស្រុកគងពគងពិសី ត្រូវបាននគរបាលឃាត់ខ្លួន នៅចំណុចផ្ទះ ក្នុងភូមិក្រាំងឃ្នង ឃុំស្រង់ តាមដីកាចំនួន០២ បន្ទាប់ពីរត់គេចខ្លួនចេញពីគុកអស់រយះពេលជាង ៤ឆ្នាំកន្លងមក ។សមត្ថកិច្ចបន្តថា ដីការទី១-ដីកាបង្គាប់ឲ្យចាប់ខ្លួននលេខ២១៥៨ ចុះថ្ងៃទី២០ ខែមិថុនា ឆ្នាំ២០១៧ របស់លោក កែវ សុធា ព្រះរាជអាជ្ញាសាលាដំបូងខេត្តកំពង់ស្ពឺ ពីបទ: រក្សាទុក ឬ ជួញដូរដោយខុសច្បាប់នូវសារធាតុញៀន ។
ដីការទី២-ដីកាបង្គាប់ឲ្យចាប់ និងឃុំខ្លួនលេខ៣៧២ ចុះថ្ងៃទី១២ ខែកញ្ញា ឆ្នាំ២០១៧ របស់លោក ហង់ ស៊ីថា ចៅក្រមជំនុំជម្រះសាលាដំបូងខេត្តកំពង់ស្ពឺ ពីបទ: រក្សាទុក ដឹកជញ្ជូន ឬជួញដូរ និង ប្រើប្រាស់ដោយខុសច្បាប់នូវសារធាតុញៀន ។
សមត្ថកិច្ចបានបញ្ជាក់ថា ទណ្ឌិតឈ្មោះ ឡុង ប៊ុនណាត ហៅ ហៀប រូបនេះ បានលួចរត់ចេញពីពន្ពន្ធនាគារខេត្តកំពង់ស្ពឺ នៅថ្ងៃទី២០ ខខែមិថុនា ឆ្នាំ២០១៧ កន្លងមក ។
បច្ចុប្បន្ន ទណ្ឌិតខាងលើ ត្រូវបានបញ្ជូនខ្លួនទៅក្នុងពន្ធនាគារដើម្បីអនុវត្តន៍ច្បាប់សារថ្មីម្តងទៀត ៕ដោយ៖សេរី
