សៀមរាប៖នៅថ្ងៃទី១៦ ខែកុម្ភៈ ឆ្នាំ២០២២ នេះ លោក ថាញ់ រ៉ូ ប្រធានសមាគមចលនាយុវជនកម្ពុជា (ក្រុម១៥៧) ស្រុកក្រឡាញ់ តំណាងលោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តសៀមរាប បានដឹកនាំសមាជិក សមាជិកា នាំយកសម្ភារៈសម្រាប់ប្រើប្រាស់ជូនដល់សាលាបឋមសិក្សា ហ៊ុនសែន ចន្លាសដៃ និងជួបសំណេះសំណាលជាមួយលោកគ្រូ លឹម ធឿន នាយកសាលាបឋមសិក្សា ហ៊ុនសែន ចន្លាសដៃ ព្រះតេជគុណ ឈឿត ឆា(វត្តខ្នាជោរ) លោក ធឿន ថត អនុប៉ុស្តិ៍នគរបាលរដ្ឋបាល ចន្លាសដៃដោយមានការចូលរួមពីលោកគ្រូអ្នកគ្រូ និងសិស្សានុសិស្សផងដែរ។
លោក ថាញ់ រ៉ូ ប្រធានសមាគមចលនាយុវជនកម្ពុជា (ក្រុម១៥៧) ស្រុកក្រឡាញ់ បានឲ្យដឹងថា សម្ភារៈឧបត្ថម្ភជូនសាលាបឋមសិក្សា ហ៊ុនសែនចន្លាសដៃរួមមាន៖១. កុំព្យួទ័រលើតុ ១គ្រឿង,២. សៀវភៅសរសេរ ១១៨ក្បាល៣. ប៊ិច ១១៨ដើម,៤. ខ្មៅដៃ ១១៨ដើម,៥. ជ័រលុប ១១៨ដុំ,៦. ប្រដាប់ខួងខ្មៅដៃ ១១៨គ្រាប់,៧. ថង់យួរដាក់សៀវភៅ ៣០ថង់,៨. អាល់កុល ១០លីត្រ,៩. ទឹកសុទ្ធ ២០យួរ,១០. ម៉ាស់ (Foodpanda) ៣ប្រអប់,១១. ម៉ាស់ (TADA) ២០ដុំ១២. នំបុ័ង ១០០ដើម,១៣. ទឹកក្រូច ១កេស,១៤. អំពូលសូឡា ២០០វ៉ាត់ ១គ្រាប់,១៥. ថវិកា ២៤០,០០០រៀល (សិស្ស៦០នាក់)។សម្ភារៈប្រគេនជូនព្រះសង្ឃ៖១. ស្លាដក់ ១ឈុត,២. បច្ច័យ ៤០,០០០រៀល,៣. អាល់កុល ១០លីត្រ។សម្ភារៈសម្រាប់ប៉ុស្តិ៍នគរបាលរដ្ឋបាលចន្លាសដៃ៖១. ទឹកសុទ្ធ ២០យួរ,២. អាល់កុល ១០លីត្រ,៣. ទឹកក្រូច ១កេស,៤. មីម៉ាម៉ា ១កេស,៥. ម៉ាស់(foodpanda) ៣ប្រអប់,៦. ម៉ាស់ (TADA) ២០ដុំ។
ក្នុងនោះផងដែរលោក ថាញ់រ៉ូ បានមានមតិផ្តាំផ្ញើ សូមមេត្តាយកចិត្តទុកដាក់អោយបានខ្ពស់នូវអនាម័យ ហើយជាពិសេសសូមចូលរួមអនុវត្តតាមប្រសាសន៍ណែនាំរបស់ សម្តេចអគ្គមហាសេនាបតីតេជោហ៊ុន សែន #រស់នៅតាមបែបគន្លងថ្មី #ការពារខ្លួនឯង-ស្មើរនឹងការពារក្រុមគ្រួសាររបស់លោកអ្នក#៣ ការពារៈ ត្រូវពាក់ម៉ាស់ ត្រូវលាងដៃ ត្រូវរក្សាគម្លាតបុគ្គល#៣កុំៈ កុំរស់នៅបន្ទប់បិទជិត កុំនៅកន្លែងកុះករ កុំនៅប៉ះពាល់គ្នាដើម្បីចៀសផុតពីមេរោគកូវីដ-១៩ ដ៏កាចសាហាវនេះ ជាពិសេសវីរុសបំលែងខ្លួនថ្មី អូមេក្រុង៕ដោយ៖សេរី
