ឧត្ដរមានជ័យ៖ នៅរសៀលថ្ងៃទី២៤ ខែមករា ឆ្នាំ២០២១ លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ បានដឹកនាំលោកស្នងការរង,លោកនាយ-នាយរងការិយាល័យ, លោកអធិការ និងមន្ត្រីក្រោមឱវាទ ចូលរួមគោរពវិញ្ញាណក្ខន្ធសព និងបំពាក់ឋានន្តរស័ក្តិ ជាកិច្ចបច្ឆាមរណៈថ្នាក់វរសេនីយ៍ឯក ជូនសពលោកវរសេនីយ៍ទោ ពេជ្រ វណ្ណា នាយរងការិយាល័យបង្ការ ពន្លត់អគ្គិភ័យ និងសង្រ្គោះ នៃស្នងការដ្ឋាននគរបាលខេត្តឧត្ដរមានជ័យ ដែលបានទទួលមរណភាព (ដោយរោគាពាធ) កាលពីវេលាម៉ោង ២២:០០នាទីយប់ ថ្ងៃទី២៣ ខែមករា ឆ្នាំ២០២១។
បច្ចុប្បន្ន ៖ សពត្រូវបានក្រុមគ្រួសាររៀបចំធ្វើបុណ្យ តាមប្រពៃណីនៅគេហដ្ឋានសព នៅភូមិសុខដុមរមនា (ហៅអូរខ្ចៅ) សង្កាត់កូនគ្រៀល ក្រុងសំរោង ខេត្តឧត្តរមានជ័យ។
ក្នុងឱកាសនោះដែរ លោកឧត្តមសេនីយ៍ ស្នងការ ក៏បានប្រគល់ជូននូវថវិការមិត្តនគរបាលជាតិ ចំនួន ៦,០០០,០០០រៀល និងនាំយកនូវបច្ច័យរបស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងបច្ច័យចូលរួមពីថ្នាក់ដឹកនាំ និងមន្រ្តីចំណុះស្នងការដ្ឋានចំនួន២,០០០,០០០ និងអង្ករ,០១បេ,និងគ្រឿងឧបភោគបរិភោគ មួយចំនួន ប្រគល់ជូន ក្រុមគ្រួសារនៃសព ដើម្បីចាត់ចែងធ្វើបុណ្យតាមគន្លងប្រពៃណីព្រះពុទ្ធសាសនា៕ដោយ៖ពិសី
