សៀមរាប៖យោងតាមរបាយការណ៍បានឲ្យដឹងថា កាលពីថ្ងៃទី០៤ខែកុម្ភៈឆ្នាំ២០២១ វេលាម៉ោង ១៨:១៥នាទីល្ងាច លោក ក្អោប រ៉ន ចៅសង្កាត់ជ្រាវ បានដឹកនាំក្រុមការងារនៃសមាគមន៍នារីសង្កាត់ និងលោកមេភូមិខ្នារចុះសួរសុខទុក្ខនិងនាំអំណោយមនុស្សធម៌ ជាគ្រឿងឧប​ភោគបរិភោគ និងថវិកា មកប្រគល់ជូនគ្រួសារបងប្អូនប្រជាពលរដ្ឋចំនួន០៣គ្រួសារដែលទទួលរងគ្រោះដោយករណីអគ្គិភ័យឆាបឆេះផ្ទះសម្បែងអស់ចំនួន០៣ខ្នង កាលពីវេលាម៉ោង ១២:៣០នាទីថ្ងៃថ្ងៃទី ០៤ ខែ កុម្ភៈ ឆ្នាំ ២០២១ ក្នុងភូមិសាស្រ្តភូមិខ្នារ សង្កាត់ជ្រាវ ក្រុង/ខេត្តសៀមរាប ។អំណោយមនុស្សធម៌ដែលនាំមកប្រគល់នាឱកាសនេះក្នុងមួយគ្រួសារទទួលបាន:អង្ករ ២០ គីឡូក្រាម​ ត្រីខ ០១យួរ​ មី ០១កេស ទឹកត្រី ០១យួរ​ ទឹកស៉ីអ៉ីវ ០១ យួរ​ អំបិល ០២ គីឡូក្រាម​ ស្ករស ០១ គីឡូក្រាម​ ខ្ទឹមស ០១ គីឡូក្រាម​ ប៊ីចេង ០,៥ គីឡូក្រាម​ ប្រេងឆា ០១ ដប​ និងថវិកា ១៣០០០០រៀល ។ក្នុងឱកាស​នេះ​ លោកចៅសង្កាត់ជ្រាវ ក៏បាននាំនូវពាក្យផ្តាំសាកសួរសុខទុក្ខ​និងចូលរួមសោកស្តាយ​ របស់លោក​អភិបាល​ក្រុងសៀមរាប ជាមួយក្រុមគ្រួសាររងគ្រោះ នឹង​អំពាវនាវ​ដល់បងប្អូន ប្រជាពលរដ្ឋផ្សេងទៀត ត្រូវមានការប្រុងប្រយត្ន័ មុនចាកចេញពីផ្ទះ​ត្រូវបិទកុងតាក់ផ្តាច់ចរន្តអគ្គីសនី ត្រួតពិនិត្យមើលភ្លើង នៅចង្ក្រានបាយ ភ្លើងធូបទៀនពេលសែនព្រេងផ្សេងៗ ត្រូវពន្លត់អោយបានត្រឹមត្រូវ បង្ការ​ កុំអោយរងគ្រោះ​ និងខូចខាតទ្រព្យសម្បត្តិ ដូចករណីនេះផងដែរ៕ដោយ៖សេរី