សៀមរាប៖សមត្ថកិច្ចបានឲ្យដឹងថា ហាងកាត់ដេរ ហាងលក់ខោអាវស្បែកជើង ហាងលក់ផ្កា ត្រូវភ្លើងឆាបឆេះអស់ទាំងស្រុង ហើយករណីនេះសមត្ថកិច្ចចម្រុះប្រឹងប្រែងជួយពន្លត់២ម៉ោងទើបរលក់ជាស្ថាពរ ទ្រព្យសម្បត្តិមាននៅក្នុងផ្ទះឆេះខូចខាតទាំងស្រុងនៅម៉ោង៩.២៤នាទីយប់ កាលពីថ្ងៃទី៧ ខែកុម្ភៈ ឆ្នាំ២០២១ ខាងកើតផ្សារថ្មីប៉ោយប៉ែតហៅផ្សារអគ្គៈស្ថិតនៅ ភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
អធិការដ្ឋាននគរបាលក្រុងប៉ោយប៉ែត លោកវរសេនីយ៍ឯក សៅ សារឿន បានឲ្យដឹងថា ម្ចាស់ហាងទាំង៣ ដែលត្រូវភ្លើងឆេះមានឈ្មោះ ១ឈ្មោះ សុខ ចាន់ថន ភេទប្រុស អាយុ៣៦ឆ្នាំ រស់នៅភូមិបាលិលេយ្យ១ មុខរបរលក់ខោអាវនិងស្បែកជើងយុវវ័យ ២ឈ្មោះ នឹម គង្គា ភេទប្រុស អាយុ៣៩ឆ្នាំ រស់នៅភូមិបាលិលេយ្យ១ សង្កាត់ប៉ោយប៉ែតមុខរបរកាត់ដេរទេពប្រណិតកាត់ដេរ ៣ឈ្មោះ ជុច ចន្ថា អាយុ៤៥ឆ្នាំភេទប្រុស រស់នៅភូមិបាលិលេយ្យ១ សង្កាត់ប៉ោយប៉ែត មុខរបរលក់មុខផ្កាម្លិះ។លោកបន្តថា មុនពេលកើតហេតុនោះភ្លើងឆេះចេញពីផ្ទះទេពប្រណិតកាត់ដេរ ដោយផ្ទុះទុស្សេសែភ្លើងនៅជាន់ឡៅតឿ ហើយបន្តឆេះពីឡៅតឿរហូតក្រោយពីភ្លើងកំពុងឆេះនោះ មានរថយន្តពន្លត់អគ្គិភ័យចំនួន ៣ គ្រឿងជួយបាញ់ទឹកពន្លត់ មានរថយន្តអធិការដ្ឋានក្រុង ១គ្រឿងរថយន្តក្រុមហ៊ុនកាស៊ីណូស្តារវេហ្គាស់ ១គ្រឿង រថយន្តក្រុមហ៊ុនកាស៊ីណូ១គ្រឿង ក្នុងការពន្លត់នោះប្រើរយៈពេលប្រហែលជិតពីរម៉ោង ទើបអគ្គីភ័យត្រូវគ្រប់គ្រងបានហើយដោយមានកងកម្លាំងទាំង៣ចូលរួមពន្លត់មាននគរបាលពន្លត់អគ្គិភ័យក្រុងប៉ោយប៉ែត សហការជាមួយរថយន្តអគ្គិភ័យរបស់កាស៊ីណូត្រូពិចកាណា កម្លាំងអាវុធហត្ថក្រុងប៉ោយប៉ែត សហការ ជួយពន្លត់យ៉ាងសរស្រាក់សស្រាំទើបរលត់។លោកវរសេនីយ៍ឯក សៅ សារឿន បានបញ្ជាក់ឲ្យដឹងបន្តទៀតថា ការខូចខាតភាគច្រើនជាសម្លៀកបំពាក់ ហូលផាមួងកន្លែងកាត់ដេរ៕ដោយ៖ថាវរី
