សៀមរាប៖ពិតជាគួរឲ្យសោកស្តាយខ្លាំងណាស់ សិស្សសាលាអនុវិទ្យាល័យអង្គរធំ ម្នាក់បានចេញពីរៀន ជិះកង់បង្ហោះខ្វះការប្រុងប្រយ័ត្នបណ្តាលឲ្យធ្លាក់មកវិញបាក់.ក ស្លាប់ភ្លាមៗនៅនឹងកន្លែងយ៉ាងអណោចអធ័ម។
ហេតុការណ៍បានកើតឡើងនៅ ថ្ងៃទី១៦ ខែកុម្ភ: មករា ឆ្នាំ២០២១ វេលាម៉ោង១១.៣០នាទី បង្កឡើងដោយខ្លួនឯង នៅចំណុចមុខសាលាអនុវិទ្យាល័យអង្គរធំ ស្ថិតនៅភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប។ លោកវរសេនីយ៍ឯក ឆាយ ហាក់ឡុង អធិការនគរបាលស្រុកអង្គរធំ បានឲ្យដឹងថា ជនរងគ្រោះ មានឈ្មោះគើយ ឧត្តម ភេទប្រុសអាយុ១៥ឆ្នាំ សិស្ស ថ្នាក់ទី៧ រៀននៅអនុវិទ្យាល័យ អង្គរធំ រស់នៅភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប។លោកបញ្ជាក់ថា ករណីគ្រោះថ្នាក់នេះមូលហេតុ បណ្តាលមកពីយុវសិស្សខាងលើជិះកង់បង្ហោះ ធ្លាក់បាក់ កស្លាប់ តែម្ដង នេះបើតាមការសន្និដ្ឋាន និងកោសល្យវិច័យរបស់លោកគ្រូពេទ្យផងដែរ៕ដោយ៖វាយោ
