ភ្នំពេញ ៖សេចក្តីរាយការណ៍បានឲ្យដឹងថា ករណីក្រុមឧក្រិដ្ឋជនចំនួន ០៤នាក់ ដោយប្រើប្រាស់កាំភ្លើងវែង០១ដើម និងខ្លី២ដើម រៀបគម្រោងចូលប្លន់ចាប់ជំរិត ដែលមានទីតាំងក្នុងបុរីមួយ ប៉ុន្តែត្រូវបានកម្លាំងកងរាជអាវុធហត្ថរាជធានីភ្នំពេញ ធ្វើការបង្ក្រាបបណ្ដាលឲ្យក្រុមជនល្មើសស្លា.ប់ទាំង៤នាក់នៅកន្លែងកើតហេតុនោះ មន្ត្រីនគរបាល បង្ហើបឲ្យស្គាល់អត្តសញ្ញាណ ទាំង៤នាក់ហើយ ។ហេតុការណ៍រៀបគម្រោងចូលប្លន់ចាប់ជំរិតនេះ បង្កអោយមានការភ្ញាក់ផ្អើលឡើងកាលពីវេលាម៉ោប្រមាណ១១ព្រឹកថ្ងៃទី០១ ខែមិនា ឆ្នាំ២០២១ នៅចំណុចភូមិគ្រឹះលេខ២០ ក្នុងបុរីអង្គរភ្នំពេញ ក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ របស់ជនរងគ្រោះឈ្មោះ ម៉ៅ ហួរ ភេទប្រុស អាយុ៥៨ឆ្នាំ ជាពាណិជ្ជករ និងជាអតីតប្រធានសាខាអគ្គិសនី ខេត្តកំពង់ចាម ហើយបច្ចុប្បន្ន ត្រូវបានផ្លាស់មកក្រុមហ៊ុនអគ្គីសនីកម្ពុជាវត្តភ្នំ ។មន្ត្រីនគរបាល កំណត់បានអត្តសញ្ញាណក្រុមឧក្រិដ្ឋជនចាប់ជំរិត ទាំង៤នាក់ រួមមាន ៖ទី១. ឈ្មោះ អ៊ឹម សុវណ្ណរិទ្ធ អាយុ២២ឆ្នាំ ជាមេខ្លោង ត្រូវគេដឹងថា កាន់ប័ណ្ណសម្គាល់ជាមន្ត្រីយោធា មានឋានន្តរស័កថ្នាក់វរសេនីយ៍ត្រី ទោះបីជាយ៉ាងណា ស្នងការដ្ឋានបុគ្គលិកនៃបញ្ជាការដ្ឋានអង្គរក្ស បានធ្វើការបដិសេធដោយអះអាងថា ប័ណ្ណដែលជនល្មើសឈ្មោះ អ៊ឹម សុវណ្ណារិទ្ធ ប្រើប្រាស់ជាប័ណ្ណក្លែងក្លាយ មិនមែនជាប័ណ្ណសម្គាល់ដែលចេញដោយបញ្ជាការដ្ឋានអង្គរក្សឡើយ ។ទី២. ឈ្មោះរី ពីសី អាយុ៣០ឆ្នាំ ស្នាក់នៅផ្ទះលេខ១២៨ ផ្លូវលំ ភូមិព្រែករង សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។ទី៣. ឈ្មោះ ម៉ូវ ផានិត អាយុ២៣ឆ្នាំ មុខរបរជាងរថយន្ត ស្នាក់នៅផ្ទះជួលនៅក្រោយវត្តតាខ្មៅ ក្រុងតាខ្មៅ ខេត្តកណ្តាល និងមានស្រុកកំណើតនៅភូមិព្រៃពង្រ ឃុំរការកោះស្រុកកងពិសី ខេត្តកំពង់ស្ពី ។និងទី៤. ឈ្មោះ រ៉ន ភារុណ អាយុ២១ឆ្នាំ នៅផ្ទះគ្មានលេខ ភូមិព្រែកសំរោង សង្កាត់តាខ្មៅ ក្រុងតាខ្មៅ ។សូមជូនដំណឹងថា គិតមកត្រឹមម៉ោង៤និង៣០នាទីរសៀលថ្ងៃទី០២ មីនានេះ សពដែលជាមេក្លោងឧក្រិដ្ឋជន ត្រូវបានលោកតាអាចារ្យ វត្តទឹកថ្លា សម្រេចធ្វើការបូជា ព្រោះសពបានធំក្លិនទៅហើយ ទាំងដែលមិនឃើញមានសាច់ញាតិមកទទួល និងមកមើលទេ ។សពឧក្រិដ្ឋជនទាំងទាំង៤នាក់នេះ ត្រូវបានបូជារួចរាល់អស់ហើយ មានក្រុមគ្រួសារ និងសាច់ញាតិមកយកធាតុជាបន្តបន្ទាប់ លើកលែងតែធាតុឧក្រិដ្ឋជន ជាមេខ្លោង មិនទាន់ឃើញមានសាច់ញាតិ ឬក្រុមគ្រួសារមកយកធាតុឡើយ ៕ដោយ៖វាយោ
អំពីយើង
ផ្តល់ព័ត៌មានទាន់ហេតុការណ៏
CONTACT US
Mobile Phone: +85517 889 682
Whatsapp: +855 17 889 682
Email: kosaljournalist@gmail.com
FOLLOW US
© AngkorFlash 2024