ភ្នំពេញ៖សេចក្តីរាយការណ៍បានឲ្យដឹងថា មន្ត្រីអ្នកនាំពាក្យ ស្នងការដ្ឋាននគរបាលរាជធានីភ្នំពេញ លោក​សាន សុខ​សីហា បានថ្លែងប្រាប់អ្នកកាសែតថា រហូតមកដល់ពេលនេះ មិនមានការបញ្ជាក់ផ្លូវការណាមួយពីក្រសួងសុខាភិបាល ជុំវិញការផ្សព្វផ្សាយថា លោកឧត្តមសេនីយ៍ត្រី សែម សុគន្ធា ស្នងការរង​នគរបាល​រាជធានី​ភ្នំពេញ មាន​វិជ្ជមានកូវីដ-១៩។លោក​ សាន សុខសីហា បញ្ជាក់ថា “សំខាន់យើងយោងតាមឯកសាររបាយការណ៍ប្រចាំថ្ងៃ របស់ក្រសួង បើចេញមកយ៉ាងម៉េច យើងថាយ៉ាងនោះ មិនមែនថា ឲ្យតែមនុស្សហ្នឹងឈឺសុទ្ធតែកូវីដនោះទេ។ មើលតែរបាយការណ៍ក្រសួងទៅដឹងហើយ បើអត់មានទេ យើងមិនអាចយោងលើសារនេះ សារនោះ ជាផ្លូវការនោះទេ”។លោក​សាន សុខ​សីហា អ្នកនាំពាក្យ​ស្នងការដ្ឋាន​នគរបាល​រាជធានី​ភ្នំពេញ​ទោះជាយ៉ាងណាលោកអះអាងថា លោកមិនបានសួរបញ្ជាក់ឲ្យច្បាស់ពីស្ថានភាពជំងឺរបស់គាត់នោះទេ  ថាជាជំងឺអ្វី គ្រាន់តែដឹងថា គាត់ឈឺធម្មតា។លោក​ឧ​ត្ត​ម​សេនីយ៍​ត្រី សែម សុគន្ធា ស្នងការរង​នគរបាល​រាជធានី​ភ្នំពេញកាលកាលពីថ្មីៗនេះ មានសារសម្លេងមួយ ត្រូវបានគេផ្សព្វផ្សាយពីម្នាក់ទៅម្នាក់ថា លោកឧត្តមសេនីយ៍ត្រី សែម សុគន្ធា ស្នងការរង​នគរបាល​រាជធានី​ភ្នំពេញ មាន​វិជ្ជមានកូវីដ-១៩ និងងបានផ្សព្វផ្សាយរូបភាពរបស់លោកឧត្តម​សេនីយ៍​ត្រី សែម សុគន្ធា អង្គុយ​ព្យួរ​ស៊ី​រ៉ូម​លើ​គ្រែពេទ្យ​ថែម​ទៀតផង។យ៉ាងនេះក្តីគេនៅទន្ទឹងរង់ចាំមើលលទ្ធផលរបស់គ្រូពេទ្យជំនាញសិន​៕ដោយ៖វាយោ