បាត់ដំបង:សមត្ថកិច្ចបានឲ្យដឹងថា កាលពីថ្ងៃទី១២ ខែមីនា ឆ្នាំ២០២១វេលាម៉ោង ១០និង៣០ នានាទីកម្លាំងសមត្ថកិច្ចស្រុកឯកភ្នំ និងកន្លងនគរបាលខេត្តបាត់ដំបង បានចុះបង្ក្រាបករណី ធ្វើឱ្យខូចខាតដោយចេតនាមានស្ថានទម្ងន់ទោស ( កាប់និងគប់លេីម៉ូតូ )ចំនួន០១ ករណី ដែលកេីតឡេីងកាលពីថ្ងៃទី ១១ខែមីនាឆ្នាំ២០២១វេលាម៉ោង១៦និង២០ នាទីនៅចំណុចមុខផ្ទះលក់គ្រឿងសំណង់យីហោ រុន ម៉េង ក្នុងភូមិព្រែកតាច្រែង ឃុំព្រែកនរិន្ទស្រុកឯកភ្នំ ខេត្តបាត់ដំបង តែករណីនេះមិនបណ្តាលឱ្យមានគ្រោះថ្នាក់ដល់មនុស្សឡេីយ ដោយខូចខាតតែម៉ូតូចំនួន០២គ្រឿងតែប៉ុណ្ណោះ។
ក្នុងកិច្ចប្រតិបត្តិការនេះសមត្ថកិច្ចកម្លាំងបានធ្វើការ នាំខ្លួនជនសង្ស័យចំនួន០២ ក្រុមមានគ្នាចំនួន ១៥នាក់ គឺក្រុម Boy Srerចំនួន ០៨នាក់ នឹងក្រុម Boy Loy ចំនួន០៧ នាក់ ។សមត្ថកិច្ចបន្តថា វត្ថុតាងដកហូតរួមមាន ៖
- ម៉ូតូម៉ាកហុងដាប៊ីត ពណ៌ ខៀវ ស ពាក់ស្លាក លេខ បាត់ដំបង 1AK 7980 ចំនួន ០១គ្រឿង
- ម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ ២០១២ពាក់ស្លាកលេខ បាត់ដំបង 1N 8871 ចំនួន ០១គ្រឿង
- កាំបិតខ្វែវដងឬស្សី ប្រវែង ០១ម៉ែត្រ ចំនួន ០១ដើម
- ដុំឥដ្ឋចំនួន០២ដុំ-សូមជម្រាបជូនថា មូលហេតុដែលជនសង្ស័យចំនួនពីរក្រុមខាងលើនេះមានទំនាស់ជាមួយគ្នាគឺមកពី ការសរសេរខូមិន Comment ដៀមដាមឌឺដងដាក់គ្នាតាមរយៈបណ្ដាញសង្គម Tik tok នាពេលកន្លងមក ហើយក៏ផ្តើមទៅជាសកម្មភាពជាក់ស្តែងនៅលើសមរភូមិដងផ្លូវក្នុងមូលដ្ឋានខាងលើតែម្តង។បច្ចុប្បន្នការិយាល័យជំនាញកំពុងកសាងសំណុំរឿង ដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី៕ដោយ: ដងស្ទឹងសង្កែ
