សៀមរាប៖ សមត្ថកិច្ចបានឲ្យដឹងថា បុរសម្នាក់ជិះម៉ូតូម្នាក់ឯង ទិសដៅពីកើតទៅលិច ត្រូវរថយន្តបុកពីក្រោយពេញទំហឹង ដែលបើកស្របទិសគ្នា បណ្តាលឱ្យស្លាប់ភ្លាមៗ នៅហ្នឹងកន្លែង។ ហេតុការណ៍គ្រោះថ្នាក់ដ៏រន្ធត់នោះបានកើតឡើងនៅវេលាម៉ោង១១និង៤៥នាទីថ្ងៃត្រង់ ថ្ងៃទី២៣ ខែមីនាឆ្នាំ២០២១ លើដង ផ្លូវជាតិលេខ៦ ក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប។
សមត្ថកិច្ចបន្តថា ជនរងគ្រោះ មានឈ្មោះ ផាត សេងខៃ អាយុ ២៤ឆ្នាំ រស់ នៅភូមិជន្លង់ សង្កាត់សាលាកំរើក ក្រុងសៀម រាប បើកបរម៉ូតូសេ១២៥សេរីឆ្នាំ២០១១ ពាក់ស្លាកលេខសៀមរាប 1L 5811 ក្នុងទិសដៅពីកើតទៅលិច។ ចំណែករថយន្តបង្កម៉ាក អាលហ្វា ពណ៍៊ស មិនស្គាល់ស្លាកលេខ ក្នុងដំណើរស្របទិសគ្នា។ ជាមួយគ្នានោះ រថយន្តបានបើករត់គេច តាមផ្លូវក្រវ៉ាត់ក្រុងឆ្ពោះទៅទិសខាងលិច បាត់ស្រមោល។
សមត្ថកិច្ចបញ្ជាក់ថា ក្រោយវាស់វែង និងប្រគល់សពអោយក្រុមគ្រួសារ។ ករណីនេះសមត្ថកិច្ចបន្តសហការតាមគោលដៅ ក៏ដូចជាតាមបណ្តាស្រុកផងដែរ ដើម្បីឃាត់រថយន្តបង្ក តែមិនទាន់មានការជួបប្រទះរថយន្តបង្កឡើយ៕ដោយ៖វាយោ