សៀមរាប៖អាជ្ញាធរសង្កាត់ជ្រាវបានឲ្យដឹងថា នៅថ្ងៃទី ២៧ ខែ មីនា ឆ្នាំ ២០២១ម្សិលមិញនេះ លោក ក្អោប រ៉ន ចៅសង្កាត់ជ្រាវ បានដឹកនាំ កម្លាំងយុវជនសង្កាត់ យុវជនភូមិ ចុះធ្វើយុទ្ធនាការផ្សព្វផ្សាយ ចែកម៉ាស នឹងណែនាំ ដល់បងប្អូនប្រជាពលរដ្ឋនិង អាជីវករដែល លក់ដូរនៅតាមបណ្តារផ្សារទាំងអស់នៅក្នុងសង្កាត់ ឲ្យបង្កើនការធ្វើអនាម័យ ដោយ លាងដៃអោយបានញឹកញាប់ ពាក់ម៉ាស់ជាប្រចាំ ដើម្បីបង្ការការពារខ្លួនពីការឆ្លងនៃជម្ងឺកូវីដ១៩។
ក្នុងនោះក្រុមការងារ ដែលដឹកនាំដោយលោកចៅសង្កាត់ ក៏បានណែនាំដល់ម្ចាស់ផ្សារទាំងអស់ ត្រូវរៀបចំអោយមានកន្លែងដាក់អាកុល លាងដៃ ឧបករណ៍វាស់កំដៅ នៅច្រកចូលផ្សារជាប្រចាំ ហើយមានភ្នាក់ងារឬសន្តិសុខផ្សារនៅណែនាំដល់ អ្នកចេញចូល ទិញលក់ទំនិញ ត្រូវរក្សាគម្លាតហើយក្នុងករណីមានបុគ្គលណា មិនពាក់ម៉ាស គឺមិនត្រូវអោយចូលក្នុងផ្សារឡើយ។
ក្នុងបរិបទនេះ យើងគ្រប់គ្នា មានភារកិច្ចនឹងត្រូវព្យាយាមរស់នៅ តាមបែបគន្លងថ្មីដែលណែនាំដោយក្រសួងសុខាភិបាលដើម្បីសុវត្ថិភាពខ្លួនយើង និនិងសមាជិកក្នុងក្រុមគ្រួសារផងដែរ៕ដោយ៖វាយោ
