សៀមរាប៖បើតាមផេកផ្លូវការរបស់ឯកឧត្តម ម៉ឹង ពន្លកប្រធានចលនាយុវជន១៥៧ បានឲ្យដឹងថា៖ នៅថ្ងៃ ពុធ ១០កើត ខែពិសាខ ឆ្នាំឆ្លូវ ត្រីស័ក ពុទ្ធសករាជ ២៥៦៤ ត្រូវនឹងថ្ងៃទី២១ ខែមេសា ឆ្នាំ ២០២១ លោក​ រី រ៉ូប៊ែរតូ លេខាធិការ សមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប​ ព្រមជាមួយសមាជិក បាននាំយកអំណោយ ដេីម្បីប្រគល់ជូន លោក វរសេនីយ៍ទោ ចែម ចំណាន អធិការរងក្រុងសៀមរាប តំណាងលោក ដា ចំរេីន អធិការក្រុងសៀមរាប ដេីម្បីផ្គត់ផ្គង់ដល់កងកម្លាំងដែលប្រចាំការនៅគោលដៅបិទខ្ទប់មួយចំនួនក្នុងការទប់ស្កាត់​ ប្រយុទ្ធប្រឆាំងនឹងជំងឺកូវីដ-១៩ នៅក្នុងក្រុងសៀមរាប ខេត្តសៀមរាប។អំណោយរួមមាន៖ទឹកសុទ្ធ ៥០យួរ,ជែលលាងដៃ ៥ដប។ក្នុងឱកាសនោះផងដែរ លោក រី រ៉ូប៊ែរតូ ក៏បានមានមតិសំណេះសំណាល​ និង ផ្តាំផ្ញេីដល់មន្រ្ដីនគរបាលក្រុងទាំងអស់ សូមចូលរួមអនុវត្តន៍តាមប្រសាសន៍ណែនាំរបស់សម្តេចតេជោ (៣កុំ ៣ការពារ) អោយបានខ្ជាប់ខ្ជួន​ ដេីម្បីជៀសអោយផុតពីជំងឺកូវីដ-១៩​ ​ដ៏កាចសាហាវនេះ៕ដោយ៖វាយោ