ខេត្តសៀមរាប៖បើតាមរបាយការណ៍បានឲ្យដឹងថា នៅថ្ងៃចន្ទ ១៤រោច ខែពិសាខ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១០ ខែឧសភា ឆ្នាំ ២០២១ ក្រោមការណែនាំពីលោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តសៀមរាប បានចាត់តាំង លោក ឈាវ មុន្និន ប្រធានសមាគមចលនាយុវជនកម្ពុជា (ក្រុម១៥៧) ក្រុងសៀមរាប ដឹកនាំសមាជិក សមាជិកា អមដំណេីរជាមួយ លោកស្រី លឹម ផល្លិកា អភិបាលរងក្រុងសៀមរាប និងលោក ឡំ សុខាក់ នាយករដ្ឋបាលក្រុងសៀមរាប បាននាំយកអំណោយប្រគល់ជូនប្រជាពលរដ្ឋចំនួន ៣ គ្រួសារ ដែលកំពុងខ្វះខាតយ៉ាងខ្លាំង ដោយសារត្រូវខ្យល់កន្ត្រាក់ដំបូលផ្ទះដែលមានទីតាំងស្ថិតនៅ ភូមិវាល សង្កាត់គោកចក ក្រុងសៀមរាប ខេត្តសៀមរាប។+អំណោយដែលប្រគល់ជូនរួមមាន៖⁃ អង្ករ ២៥ គីឡូក្រាម⁃ មី ១កេស⁃ ទឹកត្រី ១យួរ⁃ ត្រីខ ១យួរ⁃ ទឹកស៊ីអ៊ីវ ១យួរ⁃ ប្រេងឆា ១កាដុង
⁃ ស្ករស ១ គីឡូក្រាម⁃ ប៊ីចេង ១ កញ្ចប់ធំ⁃ ម៉ាស់មួយប្រអប់⁃ អំបិល ១គីឡូក្រាម⁃ ទឹកសុទ្ធ ៥យួរ⁃ ជែលលាងដៃ ចំណុះ ៥០០មល ចំនួន ១ដប⁃ ថវិកា ១០មុឺនរៀល ក្នុងមួយគ្រួសារ។
ក្នុងនោះផងដែរលោក ឈាវ មុន្និន បានមានមតិសំណេះសំណាលជាមួយប្រជាពលរដ្ឋ សូមមេត្តាយកចិត្តទុកដាក់អោយបានខ្ពស់ នូវការរក្សាអនាម័យហេីយជាពិសេស សូមចូលរួមអនុវត្តតាមប្រសាសន៍ណែនាំរបស់ សម្តេចតេជោ (៣កុំ ៣ការពារ) ឲ្យបានខ្ជាប់ខ្ជួន ដើម្បីជៀសផុតពីមេរោគកូវីដ-១៩ ដ៏កាចសាហាវនេះ៕ដោយ៖វាយោ
