រតនគិរី៖សេចក្តីរាយការណ៍បានឲ្យដឹងថា ផ្ទះឈើមួយខ្នង ត្រូវបានអគ្គិភ័យឆាបឆេះអស់ទាំងស្រុងដោយសារទុស្សេខ្សែភ្លើង។ហេតុការណ៍នេះបានកើតឡើងនៅវេលាម៉ោង៧នឹង៥នាទី ថ្ងៃទី០២ ខែមិថុនា ឆ្នាំ០២២១ ស្ថិតនៅភូមិជ្រី សង្កាត់យក្ខឡោម ក្រុងបានលុង ខេត្តរតនគិរី ។
សមត្ថកិច្ចបានឲ្យដឹងថា ម្ចាស់ឈ្មោះ ណយ សាឃុន ភេទប្រុស អាយុ៦០ឆ្នាំ ជនជាតិខ្មែរ។ទ្រព្យសម្បត្តិខូចខាតក្នុងករណីនេះ រួមមាន គ្រែប្រអប់ចំនួន០១, ថូផ្កាឆ្លាក់អំពីចំនួន០១គូរ,តុធម្មជាតិចំនួន០២, ឯកសារប្លង់ដីចំនួន០២ច្បាប់, សំបុត្របញ្ជាក់កំណើតចំនួន០៤ច្បាប់, ព្រមទាំងអត្តសញ្ញាណប័ណ្ណសញ្ជាតិខ្មែរចំនួន០២។ បើសរុបទំហំនៃការខូចខាតជាទឹកប្រាក់ប្រមាណជា ២០០០០ដុល្លារអាមេរិក។
បើយោងតាមប្រភពព័ត៌មានពីជនរងគ្រោះជាម្ចាស់ផ្ទះ បានឲ្យដឹងថា មូលហេតុ ដែលបណ្ដាលឲ្យឆេះនេះ គឺឆ្លងចរន្តអគ្គិសនី ហើយផ្ទុះសេបណ្តាលអោយឆាបឆេះតែម្តង។ បន្ទាប់ពីទទួលដំណឹងករណីខាងលើ កម្លាំងការិយាល័យអគ្គិភ័យ នៃស្នងការរដ្ឋាននគរបាលខេត្ត បាន បានប្រើប្រាស់ទឹកអស់ចំនួន ០៣ឡាន៕ ដោយ៖វាយោ
