រតនគិរី ៖សេចក្តីរាយការណ៍បានឲ្យដឹងថា ភ្ញៀវទេសចរជាតិ និងអន្តរជាតិ បានធ្វើដំណើរមកលេងកម្សាន្តយ៉ាងច្រើនកុះករក្នុងរយៈពេល នៃការឈប់សម្រាកសងពិធីបុណ្យចូលឆ្នាំថ្មីនេះ រហូតធ្វើឲ្យខេត្តរតនគិរីប្រឈមកង្វះសេវាកម្មស្នាក់នៅ ខណៈសណ្ឋាគារ ផ្ទះសំណាក់ មានប្រមាណជាង១០០០បន្ទប់ ទទួលភ្ញៀវពេញទាំងអស់។ភ្ញៀវទេសចរណ៍ម្នាក់ដែលធ្វើដំនើរមកពីភ្នំពេញបានសម្ដែងពីអារម្មណ៍សប្បាយរីករាយ ដោយបានមកលេងក្នុងខេត្តរតនគិរីជាលើកទី១។ ក្នុងនោះ ក៏បានឃើញពីភាពស្រស់ស្អាត នៃរមណីយដ្ឋានធម្មជាតិនានា ជាពិសេសបឹងយក្ខឡោមតែម្ដង។ ដោយឡែក ទាក់ទងនឹងសេវាកម្មស្នាក់នៅ និងសេវាកម្មម្ហូបអាហារគាត់ បានលើកឡើងថា ពួកគាត់អាចទទួលយកបាន គឺរៀបចំបានស្អាតល្អ ប្រកបដោយបរិស្ថានស្អាត អនាម័យល្អ និងតម្លៃសមរម្យ។ ជាពិសេសនោះ វិធានការសុខាភិបាល បង្ការការចម្លងជំងឺកូវីដ-១៩ ឃើញមានគ្រប់ទីកន្លែងរមណីយដ្ឋានតែម្ដង ជាហេតុធ្វើឲ្យពួកគាត់ ក៏ដូចជាភ្ញៀវទេសចរទូទៅមានភាពកក់ក្តៅក្នុងចិត្តផងដែរ។ លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរី បានឲ្យដឹង កាលពីរសៀលថ្ងៃទី២០ ខែសីហាឆ្នាំ២០២០ថា លោកពិតជាមោទនភាពយ៉ាងខ្លាំងចំពោះកំណើនភ្ញៀវទេសចរជាតិ អន្តរជាតិ រយៈពេលប៉ុន្មានថ្ងៃនេះ។ ជាក់ស្ដែងក្នុងរយៈពេល៤ថ្ងៃ គិតតែមួយថ្ងៃទី២០ ខែសីហា ឆ្នាំ២០២០ ភ្ញៀវទេសចរមានចំនួន ១០.២២៨ ក្នុងនោះភ្ញៀវអន្តរជាតិមានចំនួន៤៦នាក់។ សរុបភ្ញៀវទេសចរជាតិរយៈពេល៤ថ្ងៃ(១៧-១៨-១៩-២០ )មានចំនួន៤២.៣៨៧នាក់ និងភ្ញៀវអន្តរជាតិចំនួន១៧០នាក់ផងដែរ៕
អំពីយើង
ផ្តល់ព័ត៌មានទាន់ហេតុការណ៏
CONTACT US
Mobile Phone: +85517 889 682
Whatsapp: +855 17 889 682
Email: kosaljournalist@gmail.com
FOLLOW US
© AngkorFlash 2024