សៀមរាប៖អាជ្ញាធរសង្កាត់គោកចក បានដឹងថា លោក ទិត ឌីរ៉ា ចៅសង្កាត់គោកចកបានទទួលមរណៈភាព ក្នុងជន្មាយុ ៥៣ឆ្នាំ នៅមន្ទីរពេទ្យបង្អែកខេត្តសៀមរាបដោយសារជំងឺលើសឈាមនិងខ្លាញ់រំបេះដូង នៅវេលាម៉ោង០៨និង២០នាទី ថ្ងៃទី០៤ ខែមេសា ឆ្នាំ២០២២។ លោក ទិត ឌីរ៉ា អតីតជាស្មៀនឃុំគោកចក បានបម្រើការងារជាច្រើនឆ្នាំរហូតពលរដ្ឋនិងថ្នាក់ដឹកនាំបានបោះឆ្នោតជ្រើសតាំងជាចៅសង្កាត់គោកចក រហូតមកដល់ពេលបច្ចុប្បន្ន។លោកទិត ឌីរ៉ា បានធ្វើជាចៅសង្កាត់គោកចក ជាច្រើនឆ្នាំហើយត្រូវបានពលរដ្ឋទៅក្នុងមូលដ្ឋានគោរពស្រឡាញ់ជាច្រើននាក់ផងដែរ។ បន្ទាប់ពីគ្រូពេទ្យនិងសមត្ថកិច្ចធ្វើកោសល្យវិច័យ រួចក៏បានប្រគល់សពទៅឲ្យក្រុមគ្រួសារធ្វេីបុណ្យតាមប្រពៃណីនៅផ្ទះរបស់លោកក្នុងក្រុមទី៨ភូមិត្រពាំងសេះ សង្កាត់គោកចក៕ដោយ៖AFN
