ខេត្តរតនគិរី÷ កាលពីថ្ងៃទី២២ ខែឧសភា ឆ្នាំ២០២២ វេលាម៉ោង២និង៣០នាទី កម្លាំងអធិការនគរបាលក្រុងបានលុង បានចុះបង្ក្រាបករណីជួញដូរដោយខុសច្បាប់នូវសារធាតុញៀន(ដោយប្រេីវិធានញុះញង់) ឃាត់ខ្លួនបាន២មុខសញ្ញា នៅចំណុចខាងកេីតព្រលានយន្តហោះ ស្ថិតនៅក្នុងភូមិថ្មី សង្កាត់ឡាបានសៀក ក្រុងបានលុង ដោយមានការសម្របសម្រួលនីតិវិធី ពីលោក លាង អ៊ូ ព្រះរាជអាជ្ញារងអមសាលាដំបូងខេត្ត។
លោក ហួត បូរី អធិការនគរបាលក្រុងបានលុង បានឲ្យកម្ពុជាថ្មីដឹងនៅថ្ងៃទី២៣ឧសភាថា កម្លាំងជំនាញនៃអធិការក្រុងបានលុង បានឃាត់ខ្លួនជនសង្ស័យ២នាក់ យកមកអធិការក្រុងបានលុង ដេីម្បីធ្វេីការសាកសួរ។
ជនសង្ស័យ២នាក់ ១-ឈ្មោះ ហោ បូឡែន ភេទស្រី អាយុ៤០ឆ្នាំ ជនជាតិខ្មែរ មុខរបរលក់ផ្លែឈេី មានទីលំនៅបច្ចុប្បន្ន នៅផ្ទះជួលភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី។
២-ឈ្មោះ នាង សារ៉ាន់ ភេទស្រី អាយុ៤២ឆ្នាំ ជនជាតិខ្មែរ មុខរបរកាត់ដេរ មានទីលំនៅបច្ចុប្បន្ន នៅផ្ទះជួលភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី។
វត្ថុតាងដកហូតរួមមាន÷
១-ម្ស៉ៅក្រាមថ្លាពណ៌ស ចំនួន១៣កញ្ចប់ ១ថង់ធំល្មម ១២ថង់តូច(មិនទាន់ថ្លឹង)។
បច្ចុប្បន្នជនសង្ស័យទាំង២នាក់ រួមទាំងវត្ថុតាងកំពុងឃាត់ និងរក្សាទុកបណ្តោះ អាសន្ន នៅអធិការដ្ឋាននគរបាលក្រុងបានលុង ដេីម្បីកសាងសំណុំរឿងបញ្ជូនទៅអយ្យការអមសាលាដំបូងខេត្ត នៅថ្ងៃទី២៤ ខែឧសភា ឆ្នាំ២០២២ តាមនីតិវិធីបន្ត៕ដោយ៖សំខាន់
