ប៉ៃលិន៖សេចក្តីរាយការណ៍បានអោយដឹងថា ជនសង្ស័យម្នាក់ ត្រូវបានកម្លាំងផែនប្រឆាំងគ្រឿងញៀន នៃអធិការដ្ឋាននគរបាលក្រុងប៉ៃលិន សហការជាមួយកម្លាំងនគរបាលប៉ុស្ត៍សង្កាត់ប៉ៃលិន ធ្វើការឃាត់ខ្លួន ក្រោមការសម្របសម្រួលនិតិវិធី ពីឯកឧត្តម សេង គឹមឡាក់ ព្រះរាជអាជ្ញាអមសាលាដំបូងខេត្តប៉ៃលិន កាលពីវេលាម៉ោង១១និង០០នាទីព្រឹកថ្ងៃទី២០ ខែមិថុនា ឆ្នាំ២០២២ ស្ថិតក្នុងភូមិទឹកផុស សង្កាត់ប៉ៃលិន ក្រុងប៉ៃលិន រួមនិងវត្ថុតាងថ្នាំញៀន៥កញ្ចាប់ និងសម្ភារះបទល្មើសមួយចំនួនធំ។
លោកវរសេនីយឯក យ៉ែម សារិទ្ធ អធិការនគរបាលក្រុងប៉ៃលិន បានឲ្យដឹងថា៖ បន្ទាប់ពីសេចក្តីរាយការពីលោកមេភូមិទឹកផុស និងប្រជាការពារភូមិទឹកផុសថា មានមុខសញ្ញាសង្ស័យចំនួន០១នាក់ កំពុងតែធ្វេីសកម្មភាព ជួញដូរ និងប្រេីប្រាស់គ្រឿងញៀនយ៉ាងសកម្ម នៅក្នុងដីចំការចន្ទីមួយកន្លែង ស្ថិតនៅទីតាំងខាងលើ លោកក៏បញ្ជាកម្លាំងសមត្ថកិច្ចជំនាញក្រុង ចុះធ្វើការស៊ើបអង្កេតជាបន្ទាន់ ។នៅពេលទៅដល់ ស្រាប់តែឃេីញមានជនសង្ស័យ កំពុងតែព្យាយាមរត់គេចខ្លួន តែក៏ត្រូវសមត្ថកិច្ចយេីងឃាត់ខ្លួនបានតែម្តង។លោកវរសេនីយឯក យ៉ែម សារិទ្ធ អធិការនគរបាលក្រុងប៉ៃលិន បានបន្តឲ្យដឹងថា៖ជនសង្ស័យឈ្មោះ វង់ សុវណ្ណ ភេទប្រុស អាយុ៣០ឆ្នាំ មុខរបរមិនពិតប្រាកដ ជនជាតិខ្មែរ សញ្ជាតិខ្មែរ រស់នៅភូមិភូមិទឹកផុស សង្កាត់ប៉ៃលិន ក្រុងប៉ៃលិន ខេត្តប៉ៃលិន មានផ្ទុយសារធាតុញៀន។លោកអធិការ ក៏បានបញ្ជាក់ដែរថា៖ វត្ថុតាងដកហូតរួមមាន៖១-ថ្នាំញៀនប្រភេទម៉ាទឹកកកចំនួន០៥កញ្ចប់ ទម្ងន់៤,១៦ក្រាម សាច់ថ្នាំសុទ្ធ។
២-ម៉ូតូសេរីចាស់ចំនួន០១គ្រឿង។៣-ទូរស័ព្ចំនួន០៤គ្រឿង ម៉ាកViVoពណ៌ទឹកមាសចំនួន០១គ្រឿង ម៉ាកlnfinixពណ៌ទឹកសមុទ្រចំនួន០១គ្រឿង និងម៉ាកNokia អិនចុចពិលចំនួន០២គ្រឿង។
៤-កាំបិទផ្គាក់ចំនួន០៣ដេីម។
៥-ដាវចំនួន០១ដេីម។
៦-ពូថៅដៃចំនួន០១ដេីម។
បច្ចប្បន្ន ជនសង្ស័យខាងលើ រួមទាំងវត្ថុតាង ត្រូវបានធ្វើការឃាត់ខ្លួន នៅអធិការដ្ឋាននគរបាលក្រុងប៉ៃលិន ដេីម្បីសាកសួរ និងអនុវត្តនីតិវិធីបន្ត៕ដោយ៖នាយ ជាយដែន
