បាត់ដំបង៖សេចក្តីរាយការណ៍បានឲ្យដឹងថា លោកវរសេនីយ៍ទោ វេ គឹមចត់ អធិការនគរបាលស្រុកកំរៀង នៅថ្ងៃទី០២ ខែកក្កដា ឆ្នាំ២០២២ ចំណុចគោលដៅចរាចរណ៍ភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបង វេលាម៉ោងប្រមាណ១២និង០០នាទី បានដឹកនាំកម្លាំងផ្នែកជំនាញឃាត់រថយន្តចំនួន០១គ្រឿង ម៉ាកសាំយ៉ុងពណ៌ទឹកប្រាក់ ពាក់ស្លាកលេខកំពង់ចាម2A-0087 បើកបរដោយឈ្មោះ សុខ ចាន់ ភេទប្រុសអាយុ៣៤ឆ្នាំ រស់នៅភូមិប្រគាប ឃុំរូងជ្រៃ ស្រុកថ្មគោល ខេត្តបាត់ដំបង។
សមត្ថកិច្ចបន្តថា នៅក្នុងប្រតិបត្តិការនោះ សមត្ថកិច្ចបានត្រួតពិនិត្យលើរថយន្តឃើញមានប្រហិតចម្រុះខូចគុណភាពប្រមាណជាង ២,០០០គីឡូក្រាម ដែលផ្ទុកពេញរថយន្ត។នៅពេលនេះ សមត្ថកិច្ចនគរបាលស្រុកបានបញ្ជូនទាំងម្ចាស់និងប្រហិតចម្រុះទាំងនេះមកកាន់ការិយាល័យជំនាញនៅស្នងការដ្ឋានដើម្បីអនុវត្តបន្តតាមនីតិវិធីច្បាប់៕ដោយ៖សេរី
