ខេត្តសៀមរាប៖ប្រជាពលរដ្ឋ ភ្ញៀវទេសចរណ៍ជាតិនិងអន្តរជាតិ នាំគ្នាមកចោមរោម មើល ត្រីគល់រាំង ឬ ត្រី នាគ បានងាប់នៅមុខប្រាសាទអង្គរវត្ត គួរឱ្យសោកស្ដាយ។ហេតុការណ៍ភ្ញាក់ផ្អើលនេះកើតឡើងនៅរសៀលថ្ងៃទី៣ខែវិច្ឆិកា ឆ្នាំ២០២២ នៅមុខកសិន្ទអង្គរ ផ្នែកខាងជើង ស្ថិតនៅក្នុងភូមិត្រពាំងសេះ សង្កាត់គោកចក ក្រុង ខេត្តសៀមរាប។
ពលរដ្ឋដែលនាំគ្នាមកមើលត្រី ដ៏ធំ នេះ អ្នកខ្លះហៅថា(ត្រីគល់ រាំង) ចំណែកអ្នកខ្លះទៀតហៅថា(ត្រីនាគ)។ត្រី ដ៏ធំ មួយក្បាលនេះ មានទម្ងន់ប្រមាណជាង៨០គីឡូ ប្រវែង ជាង ២ម៉ែត្រ ទទឹង ៤តឹក ហើយ ត្រី នេះអាចងាប់ប្រហែល២ថ្ងៃមកហើយ។ រួចខាង មន្ត្រីអាជ្ញាធរអប្សរា បានយកកប់នៅជិតកន្លែង ដែលត្រីងាប់នោះតែម្តង៕AFN