ខេត្តសៀមរាប៖នៅក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក នៅលើទឹកដីប្រវត្តិសាស្ត្រសៀមរាប មានភ្ញៀវទេសចរណ៍ជាតិនិងអន្តរជាតិមកកំសាន្តក្នុងខេត្តសៀមរាបប្រមាណជាជាង៣០ម៉ឺននាក់។
អាជ្ញាធរបានឲ្យដឹងថា សម្រាប់រយ:ពេល ៣ថ្ងៃនេះ នៃព្រះរាជពិធីបុណ្យអុំទូក អកអំបុក បណ្តែតប្រទីប និងសំពះព្រះខែ ឆ្នាំ២០២២ មានភ្ញៀវទេសចរណ៍ជាតិ និងអន្តរជាតិ ចំនួនប្រមាណ ៣០៩,៥០៣នាក់ កើនឡើង ១១៩.១៦% ដែលឆ្នាំ២០២១ មានចំនួនប្រមាណ ១៤១,២១៩នាក់ ប៉ុណ្ណោះ។ ភ្ញៀវទេសចរណ៍ជាតិ និងអន្តរជាតិ ជិត ៣១មុឺននាក់នេះ បានចូលមកកម្សាន្ត នៅតាមតំបន់ប្រាសាទ និងបណ្តារមណីយដ្ឋាននានា ក្នុងខេត្តសៀមរាប។
នៅក្នុងព្រឹត្តិការណ៍បុណ្យអុំទូកនេះ បានធ្វើឲ្យមានចំណូលហូរចូលចរន្តសេដ្ឋកិច្ចខេត្តសៀមរាប ដែលបានមកពីការចំណាយថ្លៃស្នាក់នៅ ម្ហូបអាហារ ការធ្វើដំណើរ ការចំណាយទិញវត្ថុអនុស្សាវរីយ៍ មគ្គុទ្ទេសក៍ និងការចំណាយទៅលើសេវាកម្មផ្សេងៗ ជាច្រើនទៀតផងដែរ ៕សេរី
