ក្រុងសៀមរាប៖សេចក្តីរាយការណ៍បានឲ្យដឹងថា មានករណីលួចម៉ូតូនិងឆក់កាបូប ពលរដ្ននិងភ្ញៀវទេសចរកើតឡើងជាច្រើនករណីទៀតហើយនៅក្នុងក្រុងសៀមរាប។
សេចក្តីរាយការណ៍បានបន្តដឹងទៀតថាជាក់ស្ដែងកាលពីថ្ងៃទី ០៦ ខែ ធ្នូ ឆ្នាំ ២០២២ម៉ោង១៨:០០នាទីទៅម៉ោង០៦:៣០នាទីព្រឹកថ្ងៃទី ០៧ ខែឆ្នាំដដែល ត្រង់ចំណុចបរិវេណបន្ទប់ជួល ភូមិ សាលាកន្សែង សង្កាត់ ស្វាយដង្គំ ក្រុង-ខេត្ត សៀមរាប មានករណីអំពើលួចយកម៉ូតូ០១គ្រឿងបានចាក់សោ ក ម៉ូតូម៉ាក Honda Dream C125 ស៊េរីឆ្នាំ 2018 ពាក់ផ្លាកលេខសៀមរាប 1AB-1574 លេខតួនិងលេខម៉ាស៊ីន 5236133 ពណ៌ខ្មៅ របស់ជនរងគ្រោះឈ្មោះ ឈឹង ខាវី ភេទ ប្រុស អាយុ ២៣ ឆ្នាំ ជនជាតិ ខ្មែរ មុខរបរ បុគ្គលិកក្រុមហ៊ុន មានអាស័យដ្ឋានសព្វថ្ងៃបន្ទប់ជួល កេីតហេតុខាងលេី ,ប្រព្រឹត្តដោយជនសង្ស័យមិនស្គាល់អត្តសញ្ញាណ។
ពាក់ព័ន្ធនឹងករណីនេះដែរមហាជនស្នើឲ្យពលរដ្ឋនិងភ្ញៀវទេសចរណ៍ មេត្តាបង្កើនការប្រុងប្រយ័ត្នឡើងវិញចំពោះករណីក្រុមចោរលួចម៉ូតូនិងចោរឆក់កាបូប ព្រោះករណីនេះបានផ្ទុះឡើងវិញបណ្ដើរៗគួរឱ្យព្រួយបារម្ភទៀតហើយ។
ជុំវិញការលើកឡើងខាងលើនេះដែរពលរដ្ខមានការរំពឹងទុកថា កម្លាំងសមត្ថកិច្ចពាក់ព័ន្ធទាំងអស់ នឹងរៀបចំផែនការបង្ការនិងបង្ក្រាបក្រុមចោរឆក់កាបូបនិងចោរលួចម៉ូតូនៅក្នុងក្រុងសៀមរាបឲ្យបានថមថយជាបន្តបន្ទាប់ផងដែរ។
ជាមួយគ្នានោះដែរសមត្ថកិច្ចបានស្នើឲ្យពលរដ្ឋបង្កើនការប្រុងប្រយ័ត្នឲ្យបានខ្ពស់មិនត្រូវធ្វេសប្រហែស ទុកម៉ូតូចោលនោះទេ៕ដោយ៖នាយផ្លយ